I Gaularvassdraget som er varigt verna for kraftutbygging er det fem flotte fossar i den lakseførande delen av vassdraget. Dette er mektige fossar som vi anbefaler at våre kundar får opplev når dei er i Gaular for å fiske laks. Fossane er lett synlege frå riksvegen.

Osfossen Osfossen ligg 500 meter frå sjøen. Området under fossen er i inn og utland kjent som eit av Noregs beste område for laksefiske. Laksetrappa på sørsida i Osfossen er den eldste kuletrappa i landet og den tredje eldste i verda. Den har 17 trinn og ein høgdeforskjell på 11 meter. William T Potts frå Correen i Castle i Irland var initativtakar til trappa som stod ferdig i 1871. Laksetrappa er ein stor turistattraksjon, der du kan studere laksen i dei mange kulpane. I 2005 vart der sett opp lakseteljar og videoovervaking i trappa. I fiskesesongen blir oppgangen av laks i trappa registrert dagleg og notert på ei oppslagstavle rett ved parkeringsplassen oppå fossen. I eit år med normal snøsmelting startar fiske på oppsida av Osfossen rundt 20. juni.
Osfossen mot Lerviksida. Foto: Jon Petrusson
Midnatt ved Osfossen. Foto: Jon Petrusson	Område under Osfossen. Foto: Jon Petrusson
Område ved laksetrappa. Foto Jon Petrusson.	Lakseteljar med videoovervaking. Foto: Jon Petrusson.
Rekvikfossen Den andre naturperla, Rekvikfossen, ligg ca. 4 kilometer oppe i elva. På sørsida av elva kan du parkere ved Rekvikfossen og nyte synet av denne mektige fossen. Heile Rekvikfossen er freda for alt fiske. I eit år med normal snøsmelting startar fiske på oppsida av Rekvikfossen i byrjinga av juli.	Rekvikfossen. Foto: Jon Petrusson
Alværfossen Den tredje naturperla, Alværfossen, ligg ca.6.5 kilometer oppe i elva. På brua over elva ved Døskeland Bruk kan du sjå det øvre partiet av fossen. Deler av Alværfossen er freda for fiske. I eit år med normal snøsmelting startar fiske på oppsida av Alværfossen rundt 10.juli.	Alværfossen. Foto: Jon Petrusson
Sandafossen Den fjerde naturperla, Sandafossen, ligg ca.9 kilometer oppe i elva. Frå vegen på sørsida av elva kan du sjå nedre del av fossen på nokre hundre meters avstand. Det meste av den langstrakte Sandafossen er freda for alt fiske. Området under Sandafossen er ei skjerma naturperle og ein svært god fiskeplass for flugefiske. I eit normalår startar fiske på oppsida av Sandafossen rundt 1.august.	Øvre del av Sandafossen. Foto: Jon Petrusson
Fossfossen Den femte naturperla, Fossfossen, ligg 15 kilometer oppe i elva der laksen stoppar. Frå vegen på nordsida av fossen kan du frå orkesterplass studere denne storslåtte fossen. Dei første laksane vert i eit normalår fiska under Fossfossen rundt 1.august Området under og på nedsida av Fossfossen vert rekna som ein god fiskeplass.	Fossfossen. Foto: Jon Petrusson